Leiðir til að efla hlutabréfamarkaðinn
.jpg)
Leiðir til að efla hlutabréfamarkaðinn er yfirskrift ráðstefnu sem fer fram fimmtudaginn 6. nóvember í Norðurljósum, Hörpu frá 13:30-16:00. Samtök fyrirtækja í fjármálaþjónustu (SFF) og Nasdaq Iceland standa að ráðstefnunni.
Hvernig stendur íslenskur hlutabréfamarkaður í alþjóðlegum samanburði og hvaða leiðir eru færar til að efla hlutabréfamarkaðinn? Hvað getum við lært af reynslu nágrannaþjóða okkar, sér í lagi Svía í þeim efnum? Leitast verður við að svara þessum spurningum og mörgum fleiri á ráðstefnunni.
Þá verða kynntar niðurstöður könnunar Gallup um viðhorf almennings gagnvart fjárfestingum og hlutabréfakaupum.
Eftirfarandi koma fram á ráðstefnunni:
- Adam Kostyál, forstjóri Nasdaq Stockholm og framkvæmdastjóri skráninga Nasdaq í Evrópu.
- Ásgeir Jónsson seðlabankastjóri.
- Daði Már Kristófersson, fjármála- og efnahagsráðherra.
- Hafsteinn Hauksson, aðalhagfræðingur Kviku banka.
- Heiðar Guðjónsson, fjárfestir.
- Heiðrún Jónsdóttir, framkvæmdastjóri SFF.
- Íris Björk Hreinsdóttir, yfirlögfræðingur SFF.
- Kristín Hrönn Guðmundsdóttir, framkvæmdastjóri Fjárfesta og fyrirtækja hjá Íslandsbanka.
- Lilja Björk Einarsdóttir, bankastjóri Landsbankans.
- Magnús Harðarson, forstjóri Nasdaq Iceland.
- Ólafur Sigurðsson, framkvæmdastjóri Birtu lífeyrissjóðs.
- Snædís Ögn Flosadóttir, forstöðumaður á mörkuðum hjá Arion banka.
- Tanya Zharov, framkvæmdastjóri lögfræðisviðs Alvotech.
- Þórður Pálsson, forstöðumaður fjárfestinga hjá Sjóvá.
Boðið verður upp á léttar veitingar. Nánari dagskrá kynnt þegar nær dregur.