Covid-19: Allir lífeyrissjóðir hafa nú gerst aðilar að samkomulagi um greiðslufresti á lánum fyrirtækja

Samkomulag lánveitenda um tímabundna greiðslufresti á lánum fyrirtækja vegna heimsfaraldurs Covid-19 var undirritað nýlega af lánveitendum innan Samtaka fjármálafyrirtækja. Landssamtök lífeyrissjóða undirrituðu jafnframt samkomulagið með fyrirvara um samþykki einstaka lífeyrissjóða. Nú hafa allir lífeyrissjóðir staðfest þátttöku. Meginþorri lánveitenda til fyrirtækja eru því orðnir aðilar að samkomulaginu, sem ætlað er að greiða fyrir hraðri úrlausn mála og tryggja jafnræði og samræmi milli fyrirtækja og lánveitenda.

Covid-19: Byggðastofnun og ÍV sjóðir gerast aðilar að samkomulagi um greiðslufresti

ÍV sjóðir og Byggðastofnun hafa gerst aðilar að samkomulagi lánveitenda um tímbundna greiðslufresti á lánum fyrirtækja vegna heimsfaraldurs Covid-19. Samkomulagið er hluti viðbragða fjármálafyrirtækja og lífeyrissjóða við efnahagsáhrifum Covid-19 en með því eru lánveitendur að styðja við fyrirtækin í landinu og starfsfólk þeirra.