Kemur þú auga á netsvikin?

Umsögn: Tekjuskattur og staðgreiðsla opinberra gjalda

SFF skrifuðu umsögn um frumvarp til laga um breytingu á lögum um tekjuskatt og lögum um staðgreiðslu opinberra gjalda (erlendar fjárfestingar). Með frumvarpinu eru lagðar til breytingar á skattskyldu erlendra aðila með það að markmiði að efla erlendar fjárfestingar hér á landi.

Stefna í neytendamálum til ársins 2030 - SFF fagna áherslu á fjármálalæsi

SFF fagna því að stefna í neytendamálum kveði á um nútímavæddari löggjöf, einföldun regluverks og aukna skilvirkni. Samtökin benda á að neytendastefna geti verið til þess fallin að efla traust í viðskiptum og stuðla að aukinni tiltrú almennings til atvinnulífsins. SFF telur þó mikilvægt að slíkar stefnur séu útfærðar vandlega og bentu á að gæta þurfi jafnvægis við gerð breytinga á opinberu regluverki og íþyngjandi krafna til fyrirtækja í þágu neytendaverndar. Eitt áhersluatriði aðgerðaráætlunarinnar lýtur að fjármálalæsi. SFF fagna áformum um eflda upplýsingamiðlun, aukna fræðslu til neytenda og áherslu á fjármálalæsi. Að mati samtakanna hefur skortur á yfirsýn og eftirfylgni með stöðu fjármálalæsis hindrað innleiðingu þess á meðal almennings hérlendis fram til þessa.

Umsögn vegna draga að frumvarpi til laga um breytingu á ýmsum lögum um skatta og gjöld o.fl. (tollar, skilagjald o.fl.)

SFF hafa skilað inn umsögn í samráðsgátt stjórnvalda um drög að frumvarpi til laga um breytingu á ýmsum lögum um skatta, gjöld o.fl. (tollar skilagjald o.fl.). Umsögn samtakanna lýtur að þeim hluta frumvarpsins er varðar Náttúruhamfaratryggingu Íslands.

Umsögn um frumvarp til laga um kílómetragjald á ökutæki.

SFF skiluðu nýlega umsögn um endurflutt frumvarp til laga umkílómetragjald á ökutæki. Samtökin skiluðu jafnframt umsögn um málið í mars, er það var flutt á 156. löggjafarþingi. SFF ítreka framkomnar athugasemdir og mælast m.a. áfram til þess að samhliða setningu laga um kílómetragjald á ökutæki verði gerðar breytingar á ákvæðum 3. gr. laga um bifreiðagjald, sem samtökin telja til þess fallnar að draga úr kostnaði, m.a. umsýslu Skattsins/Fjársýslunnar og samræmast sparnaðarhugmyndum ríkisstjórnarinnar.

Innleiðing reglugerða Evrópusambandsins um varfærniskröfur til lánastofnana (CRR III)

Samtök fyrirtækja í fjármálaþjónustu rituðu umsögn um innleiðing reglugerða Evrópusambandsins um varfærniskröfur til lánastofnana (CRR III) þar sem vísað er til fyrri umsagna um málið.

Umsögn um rýni á fjárfestingum erlendra aðila

Samtök fyrirtækja í fjármálaþjónustu (SFF) hefur skilað umsögn vegna frumvarps til laga um rýni á fjárfestingum erlendra aðila vegna þjóðaröryggis og allsherjarreglu. SFF telur verulega óheppilegt ef frumvarpið verði að lögum óbreytt og að það þurfi að skoða betur nokkra þætti í frumvarpinu.

Umsögn í samráðsgátt - frumvarp til laga um réttindavernd fatlaðs fólks

SFF skiluðu nýlega umsögn um frumvarp til laga um réttindavernd fatlaðs fólks. Lagabreytingum er ætlað að tryggja fötluðu fólki, sem mætt hefur kerfislægum hindrunum vegna skerðinga sem það býr við, raunverulegan aðgang að fjármálum sínum og veita nauðsynlegu stuðnings- og aðstoðarhlutverki viðeigandi lagastoð.

Umsögn til Alþingis um stafrænan viðnámsþrótt (DORA)

Samtök fyrirtækja í fjármálaþjónustu hafa skilað inn umsögn til Alþingis um endurflutt frumvarp til laga um stafrænan viðnámsþrótt fjármálamarkaðar. SFF fagna jákvæðum breytingum sem gerðar hafa verið á frumvarpinu, þar sem að nokkru leyti var horft til athugasemda í umsögn samtakanna frá því í apríl á þessu ári í tengslum við flutning málsins á 156. löggjafarþingi. Samtökin telja engu að síður mikilvægt að benda á mikilvæga þætti sem nauðsynlegt er að horfa til og hafa ekki skilað sér inn í frumvarpið sem nú liggur fyrir.

Umsögn um lagafrumvarp um verðbréfun

SFF hefur skilað umsögn um það lagafrumvarp sem liggur fyrir Alþingi um verðbréfun. Um er að ræða ný heildarlög um verðbréfun og munu þau styrkja og koma á heildstæðari lagaumgjörð í kringum verðbréfun.

Umsögn til breytinga á ýmsum lögum vegna fjárlaga fyrir árið 2026

Umsögn um innleiðingu reglugerðar ESB um varfærniskröfur til lánastofnana (CRR III)

SFF hafa skilað inn umsögn vegna frumvarps um innleiðingu reglugerðar Evrópusambandsins um varfærniskröfur til lánastofnana (CRR III).

Umsögn um frumvarp til laga um breytingar á ýmsum lögum varðandi stafræna málsmeðferð hjá sýslumönnum og dómstólum

SFF hafa skilað umsögn í samráðsgátt um frumvarp dómsmálaráðherra sem felur í sér breytingar á ýmsum lögum til að auðvelda stafræna málsmeðferð hjá sýslumönnum og dómstólum. SFF fagnar frumvarpinu og telur það mikilvægt framfaraskref í átt að skilvirkari stjórnsýslu og betri þjónustu fyrir almenning og fyrirtæki. Með því að jafna stöðu rafrænna gagna og pappírsgagna skapast grundvöllur fyrir aukna nýtingu tæknilausna í málsmeðferð. Í umsögninni kemur SFF á framfæri mikilvægum ábendingum þannig að frumvarpið nái fyllilegum tilgangi sínum og því hagræði og skilvirkni sem því er ætlað.

Umsögn um áætlun um innleiðingu EES-gerða á fjármálamarkaði

Umsögn SFF um áform um atvinnustefnu Íslands til 2035

Umsögn um drög að forgangslista við hagsmunagæslu Íslands gagnvart Evrópusambandinu árin 2024 – 2029

Umsögn um frumvarp um rýni á fjárfestingum erlendra aðila

Umsögn SFF um frumvarp til laga um stafrænan viðnámsþrótt fjármálamarkaðar

Umsögn um drög að frumvarpi til laga um breytingar á varnarmálalögum nr. 34/2008 (netöryggi)

Umsögn SFF um frumvarp til laga um kílómetragjald á ökutæki

Umsögn um frumvarp um greiðslur yfir landamæri í evrum